Si tratta di una poesia tratta dal Libro II “In çità e in campagna” – Intermezzo II - del Terzo Canzoniere “I sogni”. La poesia si intitola “Sogno de l’aqua grossa”.
Con questi sonetti Berto Barbarani ricorda uno degli episodi importanti della memorabile inondazione di Verona del settembre 1882. La piena del fiume Adige cominciò alle 5 del pomeriggio del 15 settembre e raggiunge il massimo di quasi cinque metri sopra guardia alle ore 5 del pomeriggio del 17 settembre, e cominciò a decrescere il 19 settembre. Berto Barbarani aveva solo dieci anni e fu bloccato nella sua casa nativa a pochi passi dal Ponte Nuovo; assistette al crollo del ponte.
Ed ecco alcuni sonetti della poesia:
I
El me Àdese, el capita a Verona,
par tòrse in brasso el fior de la çità,
e de note el la cuna, el canta e el sona
arie dei monti e salti in riva ai prà.
De inverno el core zò giusto de bona
col «fru fru» de la seda imboressà,
e a metà Marso el supia, el se imusona
coi primi progni, che lo tien montà!
E l’è alora che «quei de Pescantina
par un’asse i se nega» e sora Trento
i mete zò le sâtara e i camina
co i omeneti driti sul parecio
de le bòre incambrade lì al momento,
che sfida i ponti e ferma a Castelvecio.
II
Ma verso Autuno, quando se maura
l’ùa «molinara» e la biancheta d’oro,
capita çerte piove che le dura
sensa dar tregua mai, sensa ristoro,
in fin a tanto che una note scura,
l’Àdese gialo el te deventa moro,
l’è più tera che aqua, el fa paura
co i filoni ingropadi e el fià da toro...!
I molinari de la «Campagnola»
quei de Santa Anastasia, so «patrona»
stissa le torse e tira le cadene;
e i molini se inarca su le schene,
col lanternin tacado a la Madona,
tuti un convulso e col fermento in gola!
III
Eco finestre a sbàtarse e tra i fumi
del sono roto dal presentimento,
par ogni buso o casa o appartamento
te comparisse e scomparisse i lumi!
Maria Santa! — Tra un rosso de barlumi
da «Sotoriva» scapa un bastimento,
l’infila el ponte el se ghe insuca drento,
el fa ’na scapriola e el va in frantumi!
Mama, che bota! Póro Ponte Novo,
che te guardavi sempre le piture
del palasso Da Lisca coi putini...!
No se sà gnente adesso che l’è strovo,
ma cissà mai doman che batidure,
che te sì stà tradido da i molini!