Le sóssole e le frìtole a Verona

A Carnevale ogni regione ha i propri dolci tipici e vengono chiamati in un modo diverso. In molte località sono le “chiacchiere”, in Liguria sono le “bugie”, per i marchigiani sono le “sfrappe”, in provincia di Brescia e di Mantova sono le “lattughe”…. e per i veronesi sono le sóssole.

A Carneàl en cusìna ne la tradissión veronese se cusìna qualcosa de dolso come le sóssole e le frìtole. 

Qua soto, eco come le se cusinà a Verona:

Ricèta de le sóssole

Cosa ghe vol:
- çinquesento grami de farina
- tri ovi
- mezo bicér de vin bianco
- 60 grami de botiér
- 120 grami de sùcaro
- 'na scorsa gratà de du narànse e un limon
- 'na bustina de vanìlia
- sùcaro a vél
- oio de semi pàr frìsar
- un pìssego de sàl

Come far:

Métar la farina a fontana, co’ in meso tuti i nostri ingredienti. Laoràr l’impasto e lassàrlo ponsàr par n’ora, ben coèrto.

Ciapàr la méscola e spianàr fin al spessòr de un par milimetri; taiàr la sfoia a strìcole longhe ‘na spana e larghe tri dièi con ‘na ruèla, fasendoghe nel mèso du taiéti.

Butarle nel’oio che bóie e binarli quando i g’a ‘n color dorà. Lassàr soràr e portàr in tòla con sora el sùcaro a vél.

Ricèta de le frìtole

Cosa ghe vol:
- 400 grami de farina
- tri ovi
- un bicér de late
- sié cuciàri de sùcaro
- 100 grami de sùcaro vanilià
- 100 grami de uva passa
- 20 grami de lievito de bira
- mezo bicér de graspa
- oio de semi par frìsar
- 2 pomi gratadi
- 'na scorsa de limòn
- un pìssego de sàl

Come far: 

Métar in ‘na terina la farina coi ovi, late e sùcaro, e versàr al çentro el sàl con l’ua passa messa in precedensa a moio par un quarto d’ora, i pomi e la scorsa de limòn gratà.

Malgamàr con un cuciàr de legno zóntando el lievito, la graspa e spetàr che la pasta la lievita (20 minuti).

A ‘sto ponto butàr l’impasto a scucia rade in ‘na teja de oio de semi deventà de bojo, e quanto le frìtole i è dorade tirarle via da la téia e butàrle sora un foio de carta; completàr el tuto con el sùcaro vanilià.