I GNÒCHI A VERONA....... EL MAGNÀR DE LA PORA ZÈNTE

Ne l'ultimo vènardi de carnevàl, la  me cità l’à celebrà el “Vènardi Gnocolàr” e el “Papà del Gnoco”. Secondo la tradissiòn veronese, el vènardi gnocolàr, en faméia o nei ristoranti se magna i gnòchi. 

I gnòchi un tempo i era impastà co' sola aqua e farina come i "gnochi sbatùi de malga" e i era ciamà "macaròni". Solo nel 1700 gh'émo l'introdussión de la patata in cusìna grassie a un cogo francese.

Me referisso a Antoine Augustine Parmentier (17 agosto 1737 - 17 dicémbre 1813) che l'è stà en agronomo e nutrissionista francese. Verso el 1770, l'à scoperto che la patata l'a gha tanta nutrission e el sà dedicà a la so difusion, par darghela da magnàr a la zènte.

Antoine Augustine Parmentier

RICÈTA DEI GNÒCHI DE PATATA

Come se cusinà i gnòchi a Verona

Cosa ghe vol:

• 1 chilo de patate a pasta farinosa
• 3 eti de farina
• 1 ovo intiero
• sal

Come far:

• Dopo aver lavà ben le patate, bisogna cósarle in aqua, con un pirón verificar la perfeta cotura e dopo se cava via la scorsa

• Le se passa al tamiso e le se impasta con la farina, ovo e sal; laorar ben l'impasto fin che'l deventa sofice; convien butàr un poca de farina su la tòla de laorassion parchè se no se riscia che la pasta la se taca

• Ora formar dei bìgoli de pasta alti un deolón, se i taja longhi tri schei, e con un veloce movimento dela man se i fa rugolar su la gratacasóla, dal'alto in basso strucando un poco; quest'ultima laorassion serve a far tacar mejo el sugo al gnoco

• Versar i gnochi in una pignata con l'aqua che bóie e se i pesca con un scolin 'pena i vien de sora

• Consàr a piaser co': botiér desfà e formàio parmigian, sugo de pomodoro e formàio parmigian, gorgonsola desfà, pastissada de caval par i veronesi d.o.c., pastissada de musso per i sanzenàti d.o.c., sùcaro e canèla ne la bassa veronese al confin co' Padòa

A mi me piase i gnòchi al sugo de pomodoro e formàio parmigian 😉

CURIOSITA’ SUL TERMINE “GNÒCO”

Ci sono anche alcuni detti - modi di dire che ricordano il “gnòco”, come per esempio:

• “Averghe un gnòco en gola” (avere un nodo in gola, per un’emozione o per una preoccupazione)
• “El te magna i gnochi en testa” (detto di un ragazzo che è cresciuto in fretta in altezza)
  

Il termine veronese “gnòco” si differenzia dal termine “gnòca” che invece ha un altro significato: protuberanza, bernoccolo, come pure un fastidio un’insofferenza verso qualcosa; nel gergo volgare si dice di una donna di bellezza vistosa.