Si tratta di una poesia tratta dal Libro III intitolato “Le cante de le bele nosse” del Quarto Canzoniere che comprende le poesie composte dal poeta tra il 1923 e il 1936.
Ed ecco la poesia:
Col Setembre, scade Autuno
malinconica stagion
e l'è proprio el venti uno,
che se ariva a sta... stassion!
Ci desmonta par i primi
se desperde drento al brol
e i se sbecola i arzìmi,
anca quando no se pol....
Eco in fati un paron grimo
col so s-ciopo, sempre in giro:
-Guai ci toca qualche arzìmo,
via dal brol, se no ve tiro....
-Ohe, paron, dai çento s-ciopi
no sta far tanto bordel...
Bel afar, se te me copi...
M'èto tolto par 'n'osel?
Quando t'eri puteleto,
anca a ti te piasea l'ua
e magari, ghe scometo,
che no l'era gnanca tua!
Pensa, ancò l'è cosa fata:
e la ua g'à la so festa;
dunque l'è una festa mata
co i arzìmi su la testa;
'na girlanda bianca e nera,
che tra el verde sluse al sol;
sbecolemo sta bandiera...
L'è l'Italia, che lo vol!
El paron sora pensieri,
l'à finì col brontolar:
-Tirè zò dei graspi intieri,
ma no stèla sbecolar!