Mostafa Elganzoury

Founder Senior

  • 2302
Mostafa Elganzoury

Founder Senior

عملة LKSCOIN (جواهر العملات الرقمية)

2022-03-01 04:35:55

في هذا المنشور سيتم التعريف عن العملة الرقمية LKSCOIN و الهدف من إنشائها، و خوارزمية التشفير و آلية الإجماع الخاصة بها، و أيضاً عن بداية حملة التمويل الجماعي لمؤسسة LKS Foundation و أول طرح بيع للعملة، و المشروع القائم على العملة واللي هي منصة Cam. Tv التابعة لشركة 3Technology S.r.l للهندسة و الإستشارات الرقمية ومقرها إيطاليا وهي إحدى شركات مجموعة Digital Fastlane GmbH القابضة و المتخصصة في حلول تكنولوجيا المعلومات، واللي مقرها النمسا.

انا ببدأ بعرض عملة LKSCOIN كأول و أفضل عملة أنا شاركت فيها و في المشروع المتبني للعملة، خصوصاّ و انا شايف فعلاً إن في شغل محترم من ناحيتهم و على مستوى عالي من الكفاءة و الخبرة في التطوير و التحديثات اللي هما شغالين عليها، والكلام دا أي حد في مجال البرمجة و الـ coding هيقدر يميز دا فعلاً انه شغل إحترافي و منظم لما يشوف محفظة العملة و العُقد الرئيسية على الشبكة و الموقع الرسمي للمؤسسة و إكسبلورر البلوكتشين للعملة و المشروع اللي تبنى العملة، و البيانات كلها و الورقة البيضاء و الوثائق موجوده داخل موقع المؤسسة.

ملحوظة هامة: جميع الروابط الخاصة بالمصادر و البيانات للعملة LKSCOIN و مشروعها هتكون مُدرجه بنهاية المنشور او في أو تعليق تحت المنشور.

*** نبذه عن عملة LKSCOIN ***

هي عملة رقمية مشفرة بتستهدف منشئي المحتوى على الإنترنت. و بتسمح ليهم بالحصول على او منح حق الوصول إلى أي نوع من أنواع المحتوى الرقمي على أي نظام أساسي، مع الحفاظ على حقوق التأليف والنشر بأمان وتحديد تأليف العمل. عملة LKSCOIN شغاله على حل مشكلة "شروط الإستخدام" في حالة إختيار أي شبكة إجتماعية، ودا طبعاً عشان يتم حماية جميع محتويات المستخدمين او الناشرين وتعويضهم عن الوقت و المجهود اللي بيبذلوه في إنشاء المحتوى، ودا بيكون من خلال إستلام المدفوعات والتبرعات و المكافآت ليهم داخل الشبكات الإجتماعية و لأي محتوى على الإنترنت بشكل عام.

العملة بيتم إستخدامها بثبات داخل منصة Cam. TV لما يقارب الـ 3 سنوات حتى الأن، و بيستخدمها حوالي أكتر من 450,000 مُستخدم يومياً لتقديم التبرعات لـ مُنشئي المحتوى و قبول المدفوعات بيها على المحتوى المرئي و المكتوب داخل المنصه، بآلية مشابهه او مماثلة لآلية اللايك او الإعجابات النموذجية "LIKE" اللي بتكون داخل شبكات التواصل الإجتماعي زي الفيس بوك و تويتر و اليوتيوب، إلخ،،، وبيتم إستخدامها أيضاً لشراء المنتجات و المعلومات و الخدمات المعروضة للبيع داخل المنصة مثل (الدورات التدريبية والإستشارات، المواد الإعلامية، مقاطع الفيديو، البث المباشر و الويبنارز و الإجتماعات و ما إلى ذلك) بالإضافة طبعاً للمقالات و المنشورات المكتوبة. يعني تقدر تقول انها مشابهه لطريقة عمل منصة Udemy بس عمليات الدفع بتكون بالعملة المشفرة عن طريق اللايكات و الدعم بدون إستخدام الطرق التقليدية التانية، وتم الإعلان من فريق العمل عن إطلاق سوق او ماركت خاص بالرموز الغير قابلة للاستبدال NFTs في خلال هذا العام وكما هو مخطط له في شهر ابريل 2022 وهيتم دمج البلوكتشين الخاص بعملة LKSC x11 و بلوكتشين الإيثيريوم لبيع و شراء الرموز الرقمية لمنشئ المحتوى مع حفظ حقوق الملكية للمالك الأصلي لأي محتوى.

لذلك هي بتُعتبر أداة بتدعم نشاط تسييل أي محتوى بيتم نشره من خلال المستخدمين على الأنترنت. و طبعاً ليها خصائصها التقنية اللي بتخليها مناسبة بشكل خاص للإندماج في منصات التواصل الاجتماعي، وإن هي تكون حافز ملموس لإنشاء أي محتوى رقمي، ودا عشان نظام الأمان الخاص بيها للمكافآت وقابليتها للتتبع ولامركزيتها في نفس الوقت في النظام البيئي الخاص بيها.

عملة LKSCOIN أنا بعتبرها جوهره من جواهر العملات الرقمية اللي أنا شخصياً شايف ليها مستقبل كبير في وسط الميغه اللي بتحصل حالياً في سوق العملات الرقمية. و فريق العمل و المؤسسة اللي بتدير مشروع العملة لحد الأن لم يطلقوا اي حملات إعلانية او تسويق عالمي للعملة حتى الأن و لن يتم إطلاق اي حملات إعلانية على نطاق واسع اللا بعد مايتم تنفيذ بعض المهام من تطويرات و تحديثات مخطط لها في خارطة طريق العمل و المذكورة بالوثيقة الخاصة بالعملة و مشروعها "White Paper"، و اللي هي موجوده اصلاً على الموقع الرسمي للمؤسسة.


*** اقتصاد العملة ***

الطبيعة الأصلية والأساسية لـ LKSCOIN هي بلوكتشين DASH لانها في الأساس مُنقسمة منها، يعني بنفس خوارزميات التشفير "x11". ومع ذلك يوجد أيضاً عقد ذكي ERC20 للعملة على بلوكتشين Ethereum بيتم اعتباره انه عامل مساعِد وداعِم للبنية التحتية اللي ممكن يسمح بالإعتماد عليه حالياً و مستقبلاً لإستقطاب المستثمرين الكبار و حتى مستثمرين التجزئة وتكون عملية التبني بشكل أسرع وأسهل من قِبل أطراف ثالثة، لذلك يوجد نظام لعملية الـ Bridge او Swap بيسمح بتنقل العملة بين الشبكتين من "x11" إلى "ERC20" والعكس صحيح، و بنسبة او بمعدل 1:1.

أنا عارف أن بلوكتشين الإيثيريوم مش أحسن حل في الوقت الحالي، ودا بسبب رسوم الجاز العالية و المرتفعة، و عارف برضه إن في منصات عقود ذكية لعملات رقمية أخرى رسوم المعاملات و التحويلات فيها منخفضة جداً او تكاد تكون الرسوم فيها شبه معدومه زي بينانس سمارت تشين، ترون، آفالانش، سولانا،بولكا دوت، كوساما و بوليجون (ماتيك سابقاً) و غيرهم كتير من منصات العقود الذكية، لكن أرجع و أقول إن الإيثيريوم مازالت هي الأفضل و الأكثر استخداماً من حيث المحافظ و المستخدمين والتطبيقات الامركزية dApps، و على أساس هذه النقاط، بيتم إستغلالها للوصول لأكبر قاعدة مستخدمين فيها، لحين إتمام ترقية الشبكة إلى Ethereum 2.0 والإنتقال إلى آلية إثبات الحصه PoS، وبالتالي إنخفاض في رسوم المعاملات على الشبكة.

خلينا نتكلم عن عملة DASH وإن عملة LKSCOIN بتكون مُنقسمة منها، يبقى من الطبيعي هنلاقي فيها نفس الميزات اللي موجودة في بلوكتشين DASH، ومع ذلك العملة ليها سياسة نقدية و نهج مختلف شوية بتقديم طريقة تعدين بآلية إثبات الحصة Proof of Stake بواسطة الـ Masternodes ، واللي هي بتكون نشاط رئيسي بتسمح بالصيانة اللامركزية لأمن الشبكة وإستقرارها وفي نفس الوقت زيادة العدد او المعروض من العملة ودا طبعاً بسبب المكافآت المُخصصة لكل كُتلة تُضاف إلى السلسلة.

علاوة على ذلك، تم إختبار عملة LKSCOIN على الشبكة لعدة أشهر بعد إنشائها، وسياستها النقدية و آلية الإجماع تبلورت وأخدت شكل تصاعدي و سريع. عملة LKSCOIN إتصممت بعدد إجمالي و حد أقصى 4.100 مليار وحدة من العملة فقط لاغير، حيث تم إنشاء و إضافة ما يقرب من 190000 كُتلة لسلسلة الكُتل وتعدين أكتر من 2.160 مليار وحدة من عملة LKSCOIN، يعني تقريباً 53% من إجمالي الحد الأقصى للعملة، و الكلام دا كله طبعاً كان في وقت كتابة الـ White Paper وليس في وقت كتابتي للمنشور، لأن إحنا حاليا عند الكُتلة رقم "582216".

و حالياً يتم تخصيص العملات التي لم تُعدن بعد، وبمرور الوقت هتروح هذه العملات إلى العُقد الرئيسية "MasterNodes" لكل المؤكدين و المحققين للمعاملات على الشبكة. لكن العملات اللي تم تعدينها بالفعل واللي هما بيمثلوا أكتر من 53% تم تقسيمهم من قِبل LKSFoundation لأغراض مُحددة وإتباع مخطط معين بيتلخص كالأتي:

1) مبيعات LKSCOIN بنسبة 5%

2) المستخدمين على منصة Cam. Tv بنسبة 5%

3) فريق عمل منصة Cam. Tv بنسبة 20%

4) فريق عمل LKSFoundation بنسبة 70%

و كل التفاصيل الصغيرة و الكبيرة بالنسبة لعمليات التوزيع و عمليات إغلاق و فتح الحصص لـ LKSFoundation و فريق عمل منصة Cam. Tv هتكون لفترات زمنية تم ذكرها في الـ White Paper.

*** بداية حملة التمويل الجماعي لـ LKSFoundation & Cam. Tv ***

العملة و المشروع القائم على العملة بيتم تسويقهم حالياً في نطاق ضيق و محصور جدأ تحديداً في 5 دول أوروبية فقط، اللي بتكون منهم ايطاليا بلد المنشأ و بعض دول في الإتحاد الاوربي واللي هما النمسا، فرنسا، المانيا و أسبانيا فقط لاغير، في النطاق الضيق دا و اللي بدايتها كانت في ايطاليا فقط، قبل حتى باقي الدول التانية تم عمل حملة تمويل جماعي Crowdfunding للمشروع القائم على العملة وهي منصة Cam. tv و جمع أكثر من 3 مليون يورو لدعم فريق مشروع Cam .Tv و تطوير المنصة. الممولين للحملة دي بيتم اعتبارهم على ان هما مؤسسين للمشروع وواخدين بادج Founder على قنواتهم او صفحاتهم الشخصية داخل المنصة بالإضافة لعدد من الـ Security Tokens لكل واحد فيهم، وعلى حسب كل واحد هو دفع تمويل بكام و الحمدلله انا كنت واحد من الأوائل اللي شاركوا في التمويل هتسألني و تقولي أزاي؟ انا بصراحة معرفش هي جات معايا كده على الرغم ان نطاق المستثمرين و الممولين الاوائل كان محدد في البداية داخل ايطاليا فقط، ايضاً تم عمل حملة تمويل جماعي لدعم مؤسسة LKS و تطوير شبكة البلوكتشين الخاص بالعملة،

واللي كانت عبارة عن Public Sale طرح أولي او مبدئي IEO للعملة على منصة Eidoo اللامركزية في مارس 2020 وقتها تم جمع مليون يورو و كانت قيمة الكوين الواحد وقتها بيساوي 1 سنت من اليورو، LKSCOIN=0.01 Euro وتمت بنجاح و كان ليا نصيب الحمدلله إني أشارك في دا. و في نفس النطاق دا أيضاً بيتم حالياً جمع تبرعات Fundraising عبارة عن STO بقيمة 43.75 مليون يورو لتطوير منصة Cam. tv على مستوى أعلى من السابق وتم بالفعل جمع أكتر من 19 مليون يورو،

ومازالت عملية إستكمال جمع باقي التبرعات قائمة بطرح توكن أسهم المنصة للبيع من خلال شركة الوساطة المالية Black Manta Capital المرخصة و المنظمة من قِبل الهيئات الرقابية و التنظيمية في دول الإتحاد الاوروبي و اللي بتكون محصورة في الـ 5 دول المذكورين سابقاً.

بالنسبة للـ STO او الـ Security Token Offering اللي انا اتكلمت عنه من شوية فوق، دا توكن معمول بعقد ذكي على شبكة الإثيريوم ERC20 بحد إجمالي و اقصى 35 مليون توكن فقط لاغير، فايدة التوكن بيحفظ حقوق المستثمرين الممولين و المؤسسين الأوائل في مشاركة العائدات او الأرباح اللي داخله للمنصه من الإشتراكات الشهرية و السنوية لمنشئي المحتوى و ايضاً المبيعات و عمولة المبيعات للخدمات و المنتجات اللي بتحصل داخل المنصة بين المستخدمين العادين و منشئ المحتوى، و ايضاً الدخل و الإيرادات من الإعلانات المموله اللي بتيجي عن طريق المعلنين اللي بيعلنوا عن خدماتهم و منتجاتهم للمستخدمين المستهدفين داخل المنصة، والكميات من التوكن ممكن يتم حفظهم على صفحة القناة او الصفحة الشخصية داخل المنصة او ممكن يتم إرسالهم الى عنوان إيثيريوم خارجي في محفظة خارجية زي ميتا ماسك او تراست واليت، لكن عنوان الإيثيريوم لازم انت اللي بتقدمه ليهم في الفورم او النموذج اللي موجود داخل الصفحة للمراجعة و يتم إدراج عنوان الإيثيريوم عندهم في الـ whitelist عشان التنظيم و عدم التلاعب، موضوع الـ STO انا حاطه تحت المنظار و المراقبة لأن بصراحة شايف فريق المنصة بيعملوا تطوير ممتاز و المنصة الشغل فيها إحترافي و شايفلها مستقبل ممتاز لو فضلوا يطوروا فيها و يضيفوا ميزات جديدة و يفتحوا سوق الـ NFT و أهم حاجة يكبروا الماركيتنج عندهم، بس مش دا الأساس بالنسبة ليا دلوقتي، على الأقل في الوقت الحالي، الـ STO ممكن نبقى نرجعله بعدين.

لكن التركيز كله إن شاء الله، هيكون على عملة LKSCOIN اللي بيتم إستخدامها حالياً داخل منصة Cam. Tv مابين المستخدمين و منشئ المحتوى على انها بتكون العملة الرقمية الرئيسية للتبرعات المجانية و دعم منشئ المحتوى باللايكات و الإعجابات و عمليات الدفع لشراء الكورسات و الدورات التدريبية و المحاضرات و الويبنارز و البث المباشر، كل دا هيكون بعملة LKSCOIN، يعني من الأخر العملة هيكون ليها استخدام و نظام بيئي كبير داخل المنصة. بالإضافة للشراكات اللي بتم مع أكاديمية تعليم و تدريب لتكنولوجيا البلوكتشين و العملات الرقمية في إيطاليا زي Bcademy و ايضاً مع منصة و محفظة Eidoo اللامركزية.

*** العُقد الرئيسية "MasterNodes" و فوائدها للشبكة ***

العملة غير إن ليها إستخدامات داخل المنصة، فا هي أيضاً ليها إستخدامات تانية خارج المنصة. وبعيداً عن منصة Cam. Tv و المنصات الإجتماعية اللي ممكن تتبني العُملة مستقبلاً، فالعملة لوحدها مشروع و هي انك تقدر تخزنها و تعملها Staking على محفظتك و تكون Validator على الشبكة الخاصة بيها، تتحقق من المعاملات و تأكدها و تضيف كُتل جديده لسلسلة الكُتل، ونظير كده انت بتحصل على مكافآت وتعمل منها دخل متغير. بس الكلام دا طبعاً لو أنت بتمتلك منها كميه محدده، وسعر العملة مش بالضروري يكون مرتفع في الوقت الحالي عشان تعرف تبيع و تعمل منه دخل متغير ليك، خصوصاً وإن العملة لسه في بدايتها و مش معروفه او مشهوره على نطاق واسع و واخده حقها زي عملات تانية كتير. بالنسبة ليا أنا شايفها ميزة كويسه ان العملة لسه سعرها رخيص و المحققين على الشبكة ممكن يكونوا مش كتير وبرضه هما مش قليلين، لكن أقدر أستفيد من تخزين العملة بإني أستغل فرصة سعرها الرخيص و أشارك معاهم في عمليات التحقق بالكمية المطلوبة وأحصل على مكافآت الكُتل و أجمع منها على قد ماأقدر طول فترة إنخفاض سعرها لحد مايحصل أي تبني كبير عليها.

وعشان سلسلة الكُتل للعُملة تفضل دايماً فيها أمان و إستقرار و لامركزية وفي نفس الوقت محافظه على مستواها العالي، قررت مؤسسة LKS إطلاق برنامج تحفيز لماسترنود الأكثر إخلاصاً وثباتاً حتى الأن وهو كالأتي.

يجب أن يكون لديك 100,000 وحده من عملة LKSCOIN يتم إقفالهم داخل محفظتك والمكافأة بتكون عبارة عن 450 LKSCOIN لأي كتلة بتتم تعدينها بالإضافة إلى رسوم المعاملات المُدرجة في الكتلة.

وفي حالة أن أي Masternode من اللي بيقفلوا الـ 100,000 LKSCOIN لفترة معينة من الزمن، وأنه قرر الإلتزام بسلسلة الكُتل للعُملة هتزيد المكافآه على النحو التالي:

● 6 أشهر - 4٪ مكافأة إضافية لأي كتلة يتم تعدينها.

● 12 شهر - 10٪ مكافأة إضافية لأي كتلة يتم تعدينها.

● 24 شهر - 25٪ مكافأة إضافية لأي كتلة يتم تعدينها.

• الرموز الغير قابلة للإستبدال NFTs لحماية حقوق النشر

كما تم التأكيد عدة مرات، بيظل أحد الأهداف الرئيسية لمؤسسة LKS هو حل إحدى أهم المشاكل المتعلقة بالمحتوى الرقمي: وهي حق المؤلف.

وفيما يتعلق بهذا الأمر، فإن البلوكتشين هي التكنولوجيا الأنسب لإنشاء أداة تسمح لأي منشئ محتوى بتحقيق الهدف بفضل فئة خاصة من الرموز NFTs أو ERC721.

توكنات NFTs كلنا عارفينها طبعاً هي مش عملات ولكن هي بتبقى عبارة عن أصول فريدة من نوعها لصوره او فيديو او رسم او أي فن يمكن تخزينها في محافظ العملات الرقمية زي MetaMask او TrustWallet او Enjin او غيرهم من محافظ العملات الرقمية اللي بتدعم العقود الذكية و الـ NFTs. وممكن شرائها او بيعها او إستبدالها كرموز عادية عشان بيبقى ليها ميزات خاصة. في الواقع رموز ERC721 تعتبر رموز مميزة، وبتتميز بسمات أكثر تفصيلاً عن رموز ERC20، واللي بتخليها أصل خاص و مميز عن غيره، بالإضافة إلى الإسم والتوازن وإجمالي العرض من الرمز. ومن الممكن أيضاً تخزين بيانات وصفية للممتلكات بمجرد التحقق من صحتها، والمعلومات او البيانات دي بتضيف قيمة للرمز المميز، وبالتالي هيضمن أصل النشاط. و القدرة على تتبع أصل المقتنيات و الفنون واللي بتكون ذات قيمة كبيرة.

واحدة من حالات الإستخدامات العديدة للـ NFT هو تطبيقه على حقوق الملكية الرقمية. على سبيل المثال، من الممكن إنشاء نسخة رقمية من هوية فريدة على البلوكتشين. يمكن إنشاء NFTs لتمثيل قطعة فنية أصلية وفريدة من نوعها لحماية التوزيع الغير مصرح به وحماية الفن من السرقة و الإحتيال. ومن أجل تحقيق خطة إنشاء رموز غير قابلة للإستبدال، تم الدخول في شراكة مع منصة Eidoo اللامركزية، لأن دا هيعطيهم فرصة كبيرة و إمكانية لإحياء سوق حقوق النشر والعديد من خلال المبادرات الأخرى اللي ممكن تتوفر مستقبلاً. وأي فرصة مستقبلية تكون موجودة و متاحة هتكون مرتبطة إرتباط وثيق بالعملة لحد ماتفضل موجوده في قلب العملية و تكون بقت واحده من ضمن النظام البيئي للعملة. وبالتالي دا هيوفر فرصة كبيرة لأي حد بيفكر أنه يخزن من العملة.

عملة LKSCOIN لسه في بدايتها وأنا بعتبرها "UnderValued" لأني واثق إن لو حصل شراكات تانية غير شراكتهم مع Cam. Tv و تبني كبير للعملة في دخولها لمنصات إجتماعية أخرى و دا محتمل مش مستبعد طبعاً، هنلاقيها بتم تداولها في منصات عملات رقمية كبيرة و بتحقق أسعار محترمة غير السعر الحالي، و طبعاً مش عاوز انسى و أقول إن في حوالي أكتر من 950 ماستر نودز على الشبكه عاملين إثبات حصه و شغالين بالفعل Validators وبيتم مكافئتهم نظير التحقق من المعاملات و إنشاء الكُتل و إضافتها للسلسلة، و حالياً إحنا في الكُتلة رقم 582299 بعد ماوصلت لنهاية المنشور.

.

*** بيانات تداول عملة LKSCOIN ***

العملة مش متداولة على منصات مركزية غير في منصة واحده فقط و غير معروفه، لانها منصة لسه ناشئة و على حد معلوماتي إن هي تابعه لأحد أفراد فريق العمل في مؤسسة LKSFoundation وأيضاً لايوجد بها عملات كتيره للتداول و لايوجد سيوله او حجم تداولات كبيرة، لكن أي حد ممكن يشتري منها كميات من العملة و يسحبهم و يخزنهم خارج المنصة في محفظة LKSCOIN Core ودا طبعاً عشان الإستفادة من النودز زي ماذكرنا في البداية. رابط المنصة بكود الدعوة هسيبه تحت لو حابب إنك تسجل في المنصة وتشتري كميات منها، وكان في هدية مقدمه منهم عند توثيق حسابك بالهوية و هي 200 وحده من عملة LKSC، بس مش عارف إذا لسه شغال الموضوع دا ولا لا.

العملة متداولة أيضاً على منصة Uniswap اللامركزية على شبكة الإيثيريوم ERC20، أي حد ممكن يشتري الكمية المناسبة و يعملها سواب او بريديج لشبكة العملة نفسها و العكس صحيح، و بنسبة 1:1 زي ماذكرنا برضه في البداية، و هسيب رابط ورقم العقد الذكي للعملة على EtherScan.

العملة تم إدراجها على الكوين ماركت كاب منذ فترة قصيره، بدون أي تصنيف ولاتوجد أي بيانات إضافية أخرى حتى الان.

لو بتفكر إنك تستثمر في عملة LKCOIN يبقى ضروري مايكونش أكتر من 10% من رأس المال المخصص للإستثمار ويتم تقسيمهم إحتساباً لفترات هبوط السوق، ولازم تعرف إن إستثمارك على مسئوليتك الشخصية أنت فقط، ربح لك أنت وخسارتك عليك.

وأخيراً و ليس أخراً،، تذكر دائماً إن سوق العملات الرقمية سوق جديد و فيه مخاطرة كبيرة. ممكن تخسر كل أموالك بسبب الطمع و عدم إتباعك إستراتيجيات الإستثمار لتقليل المخاطر.

جميع الروابط الخاصة بالمصادر و البيانات موجودة في الأسفل، و باب الحوار مفتوح للنقاش و لو في أي إستفسار او معلومة وحابب إنك تعرف عنها إحنا مع بعض في التعليقات إن شاء الله. منتظر آرائكم.



جميع الروابط هنا:

LKSFoundation website: https://bit.ly/36t9z6B

LKSCOIN white paper: https://bit.ly/3I72eYp

LKS Chain explorer: https://bit.ly/3I2lOF0

LKSCOIN core wallet: https://bit.ly/3I90DRQ

LKSC ERC20: https://bit.ly/35bhYee

LKSCOIN on CMC: https://bit.ly/36poQ8i

Eidoo Crowd: https://bit.ly/34TF4Gk

bibipom Exchange: https://bit.ly/3sWdQXR

Uniswap Exchange: https://bit.ly/3LQSYtq

Swap Page: https://bit.ly/3sTfjhq

CamTv Social Platform: http://bit.ly/2YTBG9p

CamTv STO Fundraising Campaign: https://bit.ly/3JIP7Ne

CamTv STO on BlackMantaCapital: https://bit.ly/3BCiQVf

3Technology S.r.l: https://bit.ly/3JKg2Iu

Digital Fastlane GmbH: https://bit.ly/3BFK4KX

Bcademy: https://bit.ly/3v9mKDU

ما هي عملة LKSCoin
عملة LKSCoin: ماهي و كيف تعمل؟ مبنية ازاي و وظيفتها ايه في الدنيا دي؟
by Mostafa Elganzoury
2  
114