Founder Senior
ثورة البيتكوين (₿) و العملات الرقمية
*** ما هي العُملة الرقمية؟ ***
في البداية لازم نبدأ تعريف العملة الرقمية و مفهمومه بطريقة سهلة و بسيطة، و العملة الرقمية او المشفرة تشبه تماماً الشكل الرقمي للنقد. يمكنك استخدامه على سبيل المثال للدفع لأصحابك او زملائك مقابل حصتك من فاتورة غداء او عشاء في مطعم، أو شراء ملابس جديده نفسك تشتريهم، أو لحجز الرحلات الجوية والفنادق لقضاء أجازتك الصيفية او حتى عطلتك الاسبوعيه. و نظراً لماهية العملة الرقمية، فيمكن أيضاً إرسالها إلى الأصدقاء و أفراد العائلة في أي مكان في العالم. تماماً مثل تحويلات الباي بال أو التحويلات البنكية أو البنوك الالكترونية.
لكن هل هذه هي نظرتك للبيتكوين و العملات الرقمية؟ مجرد سؤال
لو انت لسه اول مره تسمع عن موضوع العملات الرقمية أنت ممكن تفتكر إن هي آليه عادية و مركزية مثلها مثل النظام المالي التقليدي, لكن في الحقيقة الجواب هو (لا). لأن الموضوع مش كده بالظبط. الموضوع اكثر من إثارة للإهتمام!
و زي ما احنا عارفين، إن بوابات الدفع التقليدية عن طريق الإنترنت (البنوك الالكترونية) مملوكة للمؤسسات و الشركات. بيحتفظوا بأموالك نيابة عنك، و في الاخر انت بتحتاج أنك تطالبهم .بتحويلها نيابة عنك وقت ما تريد إنفاقها
في العملات الرقمية، لا توجد اي مُنظَمات للحوكمه و الإداره. أنت وأنا و أصحابنا و أقاربنا وآلاف الآشخاص زينا نقدر نعمل بنوك خاصة بينا عن طريق تشغيل برامج مجانية. يعني جهاز الكمبيوتر الخاص بيك متصل بأجهزة الكمبيوتر الخاصة بالآخرين بشكل مباشر - و دون الحاجة إلى أي وسيط.
لإستخدام العملة الرقمية انت مش بتحتاج للتسجيل في موقع ويب بعنوان بريد إلكتروني وكلمة سر. انت بس كل اللي بتعمله انك بتقوم بتنزيل او تحميل مجموعة متنوعة من التطبيقات على تليفونك الذكي، التطيقات دي هي محافظ العملات الرقمية و بتبقى مفتوحة المصدر و لامركزية، بتقوم بتحميل المحفظه على جهازك ثم تقوم بإنشاء الكلمات المفتاحيه الخاصة بمحفظتك هذه الكلمات المفتاحيه يجب ان تسجلها في ورقه خارجيه و تحتفظ بها في مكان آمن و يُنصح بعمل المزيد من النُسخ لأنه إذا تم فقدان و نسيان هذه الكلمات المفتاحيه لايمكنك و لا لأي شخص او جهه إسترجاع محفظتك و عناوين عُملاتك الخاصه مرة أخرى. لأنه بكل بساطه لايوجد أي سُلطه مركزية يمكنك الرجوع اليهم لمساعدتك و إسترجاع هذه الكلمات المفتاحيه بالإضافه إلى المفاتيح الخاصه لكل عنوان عام بداخل المحفظة. ثم بعد ذلك يمكنك البدء في إرسال او إستلام العملات في غضون دقائق.
*** لماذا تم تسميتها بالعُملات الرقمية او المُشفرة؟ ***
مصطلح العُملة الرقمية "Cryptocurrency" هو مزيج من الـ Cryptography "التشفير" و الـ Currency "العملة". و يتم عمل تشفير للعُملة الرقمية بصفه خاصة و البيانات بصفه عامة من خلال خوارزمية تشفير مُجزّئه، و تُستخدم هذه الخوارزميه المُشفرة بمُعادلات رياضيات مُتقدمة و مُعقدة لتأمين الأموال، مع التأكد من عدم قدرة أي شخص آخر على إنفاقها. ويوجد العديد من خوارزميات التشفير للعملات الرقمية مثل خوارزمية SHA-256 للبيتكوين و العملات الرقمية المُنقسِمه منها مثل البيتكوين كاش، و ايضاً خوارزمية Ethash للإيثيريوم و الإيثيريوم كلاسيك، والعديد والعديد من خوارزميات التشفير للعملات الرقمية الأُخرى.
وأنت كمستخدم عادي جداً مش محتاج او مطلوب منك إنك تهتم بكل التفاصيل الدقيقه دي- لأن التطبيقات اللي انت بتستخدمها هي اللي بتقوم بكل الأحمال الثقيلة. يعني من الاخر، أنت مش هتعرف ايه اللي بيدور تحت الغطاء. و لو انت مهتم بالنوع دا من التقنيات و حابب تعرف تفاصيل اكتر هيتم كتابة و نشر مقال خاص بهذا الموضوع في المستقبل القريب إن شاء الله، عن ماهو تشفير المفتاح العام؟ و تاريخ التشفير و التشفير المتماثل و الغير متماثل و التوقيع الرقمي.
عشان كده أموال الإنترنت المُشفرة (العملات الرقمية) مش مملوكة لأي شخص او جهه (شركات او مؤسسات او أفراد) و لكن بيتم إستخدام التشفير لتأمين النظام و بآلية مُحدده يتم إثباتها بإجماع او بتوافق و يستحيل إختراقها او إغلاقها او حتى تزويرها. لكن أنت معندكش بالفعل تطبيقات دفع للأشخاص او الإستلام منهم - فأيه اللي يخليك مهتم للأمر من أساسه؟
الجواب و هو لأسباب بسيطه جداً و أهمهم كالأتي:
لاتحتاج إلى إذن, محدش يقدر يمنعك من إستخدام العملة الرقمية. ومن ناحية أخرى، يمكن لخدمات الدفع المركزية تجميد حساباتك أو منع إجراء أي معاملات.
مقاومة للرقابة, نظراً للطريقة التي تم تصميم الشبكة بها، فإنه يكاد يكون من المستحيل على المُخترقين أو المُهاجمين الآخرين إغلاقها.
طريقة دفع رخيصة و سريعة, عند إجراء معاملة إرسال أموال لشخص أخر حتى لو أنت في أقصى الشرق و هو في أقصى الغرب، أموالك بتوصل له في غضون ثوانٍ معدوده - و بجزء بسيط من تكلفة التحويل الإلكتروني الدولي كرسوم تحويل.
ايه بقى حكاية البيتكوين (₿) اللي كل الناس و العالم بتتكلم عنه؟ وهي دي العملة الرقمية الأصلية، والأكثر شهرة حتى الأن.
*** من اخترع البيتكوين؟ ***
عُملة البيتكوين اتعملها وثيقة أو ورقة بحثية "White Paper" خاص بالفِكره نفسها و آلية عمل النظام المُتّبع، تم نشر الوثيقة بتاريخ 31 اكتوبر 2008 و بعد عدة أشهر، تحديداً في 3 يناير 2009 تم إطلاق البرنامج نفسه و تأسيس أول كُتلة لمنشأ البيتكوين. و اللي عمل الوثيقة دي و نشرها و أسس أول كُتلة للبيتكوين شخص او مجموعة مجهولة الهوية اسمها المستعار ساتوشي ناكاموتو لحد اللحظة دي محدش يعرف مين اخترع البيتكوين. كل اللي أحنا نعرفه عنه على الشاشة و على السوشيال ميديا ان هو اسمه (ساتوشي ناكاموتو) - ساتوشي ناكاموتو دا ممكن يكون شخص واحد فقط أو مجموعة من المُبرمجين و لو أنت بتصدق بعض النظريات الغريبة زي مثلاً أن هما ممكن يكونوا وكالة حكومية سرية او ممكن يكون كائن فضائي بيسافر عبر الزمن، المهم ان هو شخص او مجموعة مجهولة الهوية محدش يعرف عنه او عنهم أي شئ او تفاصيل تانية.
الوثيقة عبارة عن ملف PDF من 9 ورقات والرابط مُرفَق في نهاية المنشور و هو إن فكرته عبارة عن #نظام_نقدي_الكتروني_لامركزي بحيث أن تكون المقايضة الند بالند او من نظير الى نظير أخر بدون تدخل طرف ثالث في المقايضة او عملية التبادل، بحيث برضه إن العُملة تكون ليها بروتوكول مُحدد و بلغة برمجه مُحدده "++C" و مبني علىها قواعد و شروط، القواعد و الشروط دي لازم الكل (مُستخدمين و مُعدنين) يكونوا متفقين بإجماع عليها، احنا بنسمي الإجماع دا آلية إجماع/توافق اللي هي بتكون على شكل معادلات رياضية صعبة و مُعقدة جداً بخوارزمية تشفير مُجزَّئه من نوع SHA-256 غير قابلة للقراءة تماماً، احنا كا بشر عاديين مالناش دعوة بحل المعادلات المُعقدة، يعني مافيش أي تدخل بشري في الموضوع من أساسه و أجهزة الكمبيوتر بس هي اللي بتفهم لغة البرمجة و تحل المعادلات دي و النوع دا من آليات الإجماع بتُسمى بـ إثبات العمل Proof of Work اللي هو تعدين البيتكوين. و التعدين دا بيبقى عبارة عن تأكيد المعاملات و التحقق منها و إنشاء كُتل جديدة و إضافتها إلى سلسلة الكُتل "البلوكتشين" و أجهزة الكمبيوتر اللي بتعدن البيتكوين بتنقسم لكذا نوع في منها وحدات المعالجة المركزية/البروسيسورز (CPU) و في منها وحدات معالجة الرسومات/كروت الشاشة (GPU) و دول مابقوش ينفعوا للتعدين في الوقت الحالي، لكن من وقت مابدأ صُعوبة التعدين تزيد عشان المُعدنين بقوا في زيادة كبيرة و مستمرة بقى في أنواع تانية من أجهزة التعدين قدراتها أكبر و أضخم من النوعيات السابق ذكرها و بتبقى مُكلفة جداً في شرائها و أيضاً مُكلفة في إستهلاك الطاقة و فواتير الكهرباء و الأجهزة دي أسمها ASIC miners إختصار لـ "Application-Specific Integrated Circuit" و المُعدنين اللي بيدخلوا بأجهزتهم عشان يتحققوا من المُعاملات و يأكدوا عليها بيقى ليهم مكافآت على كل كُتلة بيتم إنشاءها كل 10 دقائق و إضافتها على الشبكة. المكافآت دي بنسميها بالـ Block Rewards. و تُسمى ايضاً بإثبات العمل إرتباطاً بعمل المُعالِجات الموجودة داخل الأجهزة على حل المُعادلات الرياضية المُعقدة و إستهلاك الكثير من الطاقة.
و طبعاً في عُملات رقمية كتيره جداً ليها بروتوكولات و آليات عمل مختلفه و لغات برمجه مختلفه و آليات إجماع مختلفه عن البيتكوين زي سولانا و كاردانو و آفالانش و بولكا دوت و غيرهم كتير ليهم بروتوكولات مُختلفه عن بعض و معظمهم شغالين بآلية إثبات الحصة "Proof of Stake" و طبعاً هيكون منهم عُملة الإيثيريوم اللي هتنتقل من آلية إثبات العمل إلى إثبات الحصة في خلال السنه دي 2022 و هتكون عبارة عن آلية مش بتحتاح أي أحمال او مجهود على مُعالِجات الأجهزة و لا حتى بتستهلك طاقة او كهرباء كتير زي مابيحصل في البيتكوين و مشتقاته و لكن العملات اللي بتشتغل بألية إجماع إثبات الحصة بيكون مطلوب او مشروط فيها وضع حصه او عدد مُعين و محدد مُسبق ذكره في البروتوكول الخاص بالعٌملة و حجز العدد المُحدد من العملات دي بيكون لفترة مُحدده لاتقل عن 3 أشهر و لا تزيد عن 24 شهر و بشرط ان لاتقل مواصفات الأجهزة المطلوبة لوضع وحجز العُملات فيها عن مواصفات تم تحديدها مسبقاً في البروتوكول الخاص بالعملة المراد تعدينها و التحقق من المعاملات على شبكتها و على الأغلب بتكون مواصفتها بسيطه جداً و مُتداولة بين الجميع للبروسيسورز و الرامات و الهارد ديسك و بشرط أيضاً وجود إنترنت ثابت و غير منقطع و عنوان أي بي ثابت لايتم تغيره خلال فترة إثبات الحصه لضمان الحصول على مُكافآت التحقق من المُعاملات و تأكيدها على الشبكة.
لكن خلينا نرجع و نتكلم في نطاق موضوعنا عن البيتكوين و إن بعد ماتم كتابة ووضع الورقة البحثية كمصدر مفتوح للجميع على الموقع الرسمي للبيتكوين و ايضاً في مُنتدى BitcoinTalkDotOrg و منتديات تانية كتير تم شرح البروتوكول الخاص بالبيتكوين على أساس إن أي حد يقدر يدخل ويشارك في الإجماع بجهازه البسيط على شبكة البيتكوين و يستلم مُكافآت بكل سهولة، أو حتى أشخاص عاديين يفهموا فكرة التقنية نفسها و يتبنَوها تبني شامل بشكل عادي جداً، لكن الفكرة نفسها في وقتها كانت غريبة على ناس كتير جداً او بمعنى أصح ماكنش حد مستوعب الفكرة أساساً و لا مصدقها و ناس تقول هو أيه الهبل و الجنون دا، لكن كان في فئة مُحدده من اللي موجودين و قاعدين على المنتديات دي هي اللي كانت مُقتنعة بالفكرة و هما كانوا يعتبروا فئة صغيرة من الجيمرز و من قبلهم فئة من المُبرمجين و المُطورين على الويب مش كل الفئات طبعاً لكن بعضهم, وكان برضه وقتها البيتكوين ماكنش ليه أي قيمة نهائياً بس الفئة اللي كانت مؤمنة بفكرة البيتكوين و فكرة اللامركزية هما اللي عملوا للبيتكوين قيمة لحد ماوصلت للأسعار الرهيبة دي دلوقتي، لا و لسه السعر هيزيد كمان و كمان مع مرور الوقت في الجيل بتاعنا او في الأجيال اللي جاية العلم عند الله، لكن من خلال السيناريوهات اللي حصلت في خلال الـ 12 سنه اللي فاتوا أحب أقولك إن سعره هيرفع يعني هيرفع مع مرور الزمن مافيش كلام. و ناس كتير في المجال دلوقتي بتعتبره انه هو الـ Digital Gold و الملاذ الآمن و هو فعلاً ملاذ آمن لحد الأن على الرغم من التقلبات العالية و العنيفة اللي بتحصل على تداولها داخل المنصات.
وقتها العُملة تقريباً ماكنش في عرض و طلب عليها زي دلوقتي عشان كده ماكنش ليها اي قيمة وقتها ولا ليها اي 30 ألف لازمه، ماكنش في حاجة أسمها ICO ولا IEO اللي هو الطرح الأولي او المبدئ للعُمله على المنصات (الإكتتاب).
او المقايضة الأوليه للعُملة (Initial Coin Offering) او بمعنى ادق ماكنش في إستثمار في العُملة من قِبل المستثمرين الكبار او حتى الصغار في بدايتها عشان المستثمرين في العُملة زي ماحنا عارفين هما اللي بيرفعوا من قيمتها و بيخلوا ليها قيمه سوقية مقابل الدولار الامريكي تدريجياً مع الوقت.
بس أول ما العُملة شدت حيلها او كانت لسه بتقول بسم الله، أول سعر ليها كان في يوليو 2010 بأقل من واحد سنت أيوه أنا قولت أقل من واحد سنت مش واحد دولار و لا 10 سنت و لاحتى 8 سنت كمان، لكن مع الوقت فضل سعر البيتكوين يرفع شوية و ينزل شوية و يطير 100 مرة و يطُب 50 مره لحد ماوصل سعره في ديسيمبر 2017 و قرَب لـ 20,000 دولار امريكي ورجع نزل لـ 3,000 دولار تاني في أوائل 2019 و رجع استعاد عافيته من تاني و وصل 14,000 في نهاية 2019 و مع بداية فيروس كورونا و نزول أسعار الأسهم و البورصات في العالم نزل سعره للـ 4,000 دولار وقتها كان برضه في إنهيار في أسعار النفط الصخري الامريكي و العقود الاجلة لخام غرب تكساس الوسيط كان تحت الصفر بالسالب. و برضه في نفس الفتره دي رجع البيتكوين من تاني استعاد عافيته و أخترق أعلى قمه سابقه ليه كان وصلها في 2017 و هي الـ 20,000 دولار في عز إجتياح فيروس كورونا على مستوى العالم و الركود الإقتصادي اللي بيحصل دلوقتي و مع بداية 2021 إلى الأن زار مستويات جديده و تاريخيه احنا مشوفنهاش قبل كورونا و كان أخر قمه وصلها 69k$ في شهر نوفمبر 2021 بقيمه سوقيه عدت الواحد تريليون دولار للبيتكوين فقط لحد ما أستقر دلوقتي عند مستوى الـ 37k$ وقت كتابة هذا المنشور.
المهم، أنا عاوز أقول إن سعره مُتقلب برضه مُرتبط بالعرض و الطلب على منصات التداول و إن حتى العرض و الطلب دا مُرتبط بحاجات كتير أوي زي أخبار الإختراقات و السرقة الي بتحصل في بعض منصات التداول و أخبار البنوك المركزية و تصريحات رؤساء دول العالم و الحكومات و حيتان وول ستريت الكبيره تجاه البيتكوين و العُملات الرقمية ضد او مع و مرتبط برضه بأخبار إقتصادية زي مثلاً نسب معدلات التضخم اللي بتزيد بسبب طباعة المزيد من الدولارات من الإحتياطي الفيدرالي بشكل رهيب و مريب و قرارات زيادة او إبقاء الفائدة و مجموع الدين العام الأمريكي و غيرهم كتير من الأخبار و غالباً الأسباب بقت معروفه خلاص.
في 2017 من قبل ما يحصل البامب على سعره و يوصل او حتى يقرب للـ 20,000 دولار، ساعتها العالم كله و الحكومات و البنوك المركزية و رؤساء دول فضلوا يقولوا و يهروا كتير إن البيتكوين ماهو الا مجرد فُقاعــــــــــــــه و هيجي وقت عليها و تختفي، تعالى شوف النهارده بقى يا سيدي الفاضل كل الدول دي و البنوك المركزية و على رأسهم الإحتياطي الفيدرالي اللي كانت بتحارب البيتكوين، دلوقتي النهارده هما نفسهم اللي بيدعموها و بكل قوه بس من منظور تاني خالص و هو ان لازم احنا مستثمرين التجزئة و المستثمرين الكبار و منصات التداول (أفراد و شركات) نكون تحت رقابة الجهات التنظيمية في كل الدول بلا إستثناء بحِجة حماية أموال المستثمرين و مكافحة غسيل الأموال و حاجات زي كده على الرغم ان هما هما اللي بيدخلوا يشتروا العُملة من على المنصات و يطلعوا في أخبار و تصريحات جديده متناقضه مع الأخبار اللي قبليها من سنين و يرجعوا يقولوا ان هما بيدعَموا البيتكون و إن هو المستقبل بعينه بإستثناء الصين طبعاً اللي هي بتهاجم البيتكوين كل فتره و أوقفت شغل المُعدنين لحد ماطفشوا بره الصين وراحوا على روسيا و كازاخستان و كام دولة معدوده في أوروبا و أسيا، اه والله العظيم زي مابقولك كده وبرضه في بعض دول معدوده على اصابع اليد ما طلعتش تقول أي أخبار نهائي، لا منها بتهاجم و لا منها بتدعم.
*** بروتوكول و آلية عمل البيتكوين ***
شبكة البيتكوين تم تصميمها ببروتوكول خاص و فريد من نوعه على أنه يتم إنتاج و إستخراج 21 مليون وحدة بيتكوين فقط لاغير كعدد إجمالي وحد أقصى و نهائي لايمكن إنتاج أي عدد أخر بعد هذا العدد، لكن من 2009 و لحد هذا اليوم تم بالفعل إستخراج 18.949 مليون وحدة بيتكوين، و باقي أقل من 2.051 مليون بيتكوين حتى وقت كتابة هذا المنشور و مُقدَر على أن يتم إستخراج باقي العدد الإجمالي حتى العام 2140. و دا عشان حِسبه بسيطه جداً و هو إن مُكافأة الكُتلة بتقل للنصف بعد كل درورة و الدورة بتكون عبارة عن إكتمال إنشاء 210,000 كُتلة على الشبكة و تقريباً بيتم إكتمال العدد دا في حوالي 4 سنين، يعني يتم إنشاء كُتلة كل 10 دقائق الى أن يتم إستكمال إنشاء عدد 210,000 كُتلة على شبكة البيتكوين في خلال 4 سنين و مباشرة يحصل الـ Block Reward Halving. الإنقسام الأول لمكافآت الكُتلة حصل في نوفمبر 2012 المكافآت نزلت للنصف من 50 الى 25 بيتكوين لكل كُتلة، الإنقسام الثاني كان في يوليو 2016 و المكافآت نزلت لـ 12.5 بيتكوين، و الإنقسام الثالث اللي فات في مايو 2020 المكافآت نزلت لـ 6.25 بيتكوين و الإنقسام الجاي اللي هيحصل برضه في 2024 المكافآت هتنزل لـ 3.125 بيتكوين و اللي بعديها في 2028 المكافآت هتنزل لـ 1.5625 بيتكوين لكل كُتلة و هكذا لحد ما يوصل للعام 2140 قبلها شوية أو بعدها شوية و ساعتها مش هيبقى في مكافآت تعدين خالص لأن هيكون تم الوصول للحد الاقصى و هو الـ 21 مليون بيتكوين و لكن مكافآت التعدين هتكون وقتها عبارة عن رسوم او عمولة مُستقطَعه من المبلغ المُراد تحويله و دا طبعاً نظير التحقق من المعاملة و تأكيدها على الشبكة، وعشان العدد الإجمالي للبيتكوين مُحدد و نهائي و غير قابل للتضخم و مكافآت تعدين دايماً تقل مع الوقت وتزايد مُستمر في المعدنين و تبنِّي شامل من قِبل المستثمرين الكبار و الشركات و الحكومات، كل دا هيخلي في نُدره في وجود البيتكوين و طبعاً كل مابيقل المعروض و يزيد الطلب عليه سعره يزيد.
لذلك كل فترة بيبقى في صُعوبة في التعدين لأن المعدنين بيزيدوا و أجهزتهم بتكتر و المكافآت بتقل للنصف كل حوالي 4 سنين وكل فترة او حُقبة من الزمن بيحصل تطور سريع في صناعة أجهزة التعدين بتقنيات أحدث من اللي قبلها احنا مالناش فيها و لأن الأجهزة القديمة مابقتش تقدر تعدٍن على البيتكوين و تستلم مكافآت زي الأول و مع زيادة تكاليف إستهلاك الطاقة او الكهرباء الموضوع بقى صعب، فطبيعي جداً إن هما لازم يا إما يشتروا أجهزة جديده بتقنيات أحدث و قدرات أعلى عشان يقدروا ان هما ينتجوا بيتكوين و يستلموا مكافآتهم او أن هما يخروجوا بأجهزتهم من الشبكة و يبحثوا و يدوروا على عملة رقمية جديده لسه في بدايتها و مافيش صُعوبة في تعدينها.
خلاصة كلامي اللي فات دا كله إن البيتكوين كان عبارة عن لا شئ و فضل يعافر لحد مابقى كل شئ و هو دلوقتي ملك العملات الرقمية كلها و متربع على العرش و هو اللي بدأ خلاص في تغيير العالم لـ #النطام_المالي_الجديد و هو الإنتقال من التضخم و المركزية إلى #الإنكماش_المالي و #اللامركزية ياريت تكون واخد بالك من النقطة دي كويس جداً.
متاجر الكترونية كتير دلوقتي على الإنترنت بقت بتتعامل بالبيتكوين و بعض العُملات الرقمية المشهورة و بيقبلوها كوسيلة دفع بدل الدولار او أي عملة محلية تانية بندفعها عن طريق البطاقات الائتمانيه و بطاقات الخصم و المسبقة الدفع او حتى عن طريق الـ #PayPal ، و أغلب البنوك الالكترونية التانية زي نتلر، سكريل، بيرفكت موني، سوليد تراست باي، بايزا و بايير الروسي بيقبلوا السحب و الإيداع بالبيتكوين و الكلام دا من زمان مش من النهاردة،
#الباي_بال نفسها بقت بتدعم بعض التجار و وسطاء المال اللي بيبعوا البيتكوين و بيقبلوها كوسيلة دفع. شركة فيزا و شركة ماستر كارد نفس الكلام. حتى معظم الحيتان الكبيره و أثرى أثرياء العالم بقوا يدعموا البيتكوين و العملات الرقمية اللى ليها مشاريع محترمة و قائمة على أرض الواقع زي:
وارن بافيت، مايكل سيلور، ايلون ماسك، بيل جيتس، مارك زوكيربيرج، "جاك ما" مؤسس مجموعة على بابا، و جاك دورسي مؤسس تويتر و الرئيس التنفيذي لبوابة المدفوعات بلوك(سكوير سابقاً) دعم البيتكوين و مفعل الهاشتاج و الايموجي للبيتكوين على صفحته في تويتر، اما بالنسبة لـ جيف بيزوس صاحب ومؤسس أمازون انا مش عارف ايه موقفه بالظبط بس أعتقد في حاجات حلوه شغاله عنده على AWS و أكيد مش هيختلف كتير عن المجموعة اللي انا ذكرتها و مش بعيد نلاقيه في يوم من الأيام بيقبل الدفع على منصته بالبيتكوين و العملات الرقمية و في غيرهم و غيرهم كتير جداً روّاد أعمال في سوق المال و الأعمال.
و دلوقتي انت لو بتفكر تشتري بيتكوين و تستثمر فيه على المدي البعيد او المتوسط تقدر تدخل و تسجل على أي منصة تداول عملات رقمية و هما كتير جداً لكن أنا حطيت روابط لأفضل 10 منصات في أخر المنشور من حيث التنظيم من الهيئات الرقابية على مستوى العالم، و على رأس المنصات المذكوره بالأسفل منصة Binance أشهرهم و أفضلهم و أوثقهم و أكبرهم من حيث عدد المتداولين على مستوى العالم و حجم التداولات اليومية. هي منصة كبيرة محل ثقة لجميع المتداولين على مر تاريخ تداول العملات الرقمية كلها، المدير التنفيذي للمنصة هو "تشانجبينج زاو" و دا اليوزر نيم بتاعه على تويتر @cz_binance ممكن تتابعه هناك لو انت حابب و لو تقدر تسجل حساب ليك و تشتري البيتكوين و رمزه #BTC او العملة رقم 2 و اللي هو الايثيريوم و رمزه #ETH او أي عملة بحيث يكون ترتيبها في أعلى 100 عملة ومش بالضروي تختار من أعلى أول 100 عملة رقمية ممكن يكون ترتيبها في الأواخر بس لسه مجالهاش الفرصة ودا بيحتاج منك إنك تتابع أخبار العملة و أخر التطورات في مشروع العملة و فريق المشروع و هكذا، و هتلاقي ترتيب العملات الرقمية على موقع اسمه #CoinMarketCap دا اكبر موقع بيديك بيانات لكل عملة و بيظهرلك ترتيب جميع العملات الرقمية و التوكنز اللي تعدًوا الـ 17260 عُملة، مش كل العُملات الرقمية بتبقى coin معظمها بتبقى مجرد Token بيتم إنشائها كعِقود ذكية على شبكات عملات رقمية مختلفة (#Smart_Contracts) زي #Ethereum او #Solana او #Cardano او #Avalanche او #Stellar او #Tron او #EOS او #BinanceSmartChain او #Waves او غيرهم كتير من العملات الكتيرة اللي بتدعم إنشاء العِقود الذكية و موجودة في الكوين ماركت كاب اللي بيظهرلك جميع البيانات الخاصة بالعملات الرقمية و بيذكرلك الغطاء السوقي لكل عُملة و حجم التداولات عليها بالدولار الامريكي في أخر 24 ساعة و الأسعار بتكون لحظية و برضه بيعرض لك العُملات الرقمية الرابحة و الخاسرة في أخر 24 ساعة و أخر 7 أيام.
الخلاصة هو إن البيتكوين أظهر لنا الأساس و قدمه للعديد من العُملات الرقمية الأخرى. بعضهم بيعتمد على نفس آلية الإجماع و البعض الآخر أخد نهج مختلف تمامًا عن نهج البيتكوين. ولكن ما الفرق بين جميع العُملات الرقمية؟
قد يستغرق إعداد قائمة بجميع العُملات الرقمية المختلفة أسابيع. بعضها أسرع من البعض الآخر، وبعضها أكثر خصوصية، وبعضها أكثر أمانًا، وبعضها أكثر قابلية للبرمجة و التوسع و لكن أنا ذكرت شوية أمثله منهم بيعتمدوا على آلية إجماع بإثبات الحصة و في عٌملات رقمية بتعتمد على إثبات الحصة بالتفويض و في عُملات بتعتمد على إثبات القدرة او الكفاءة و عُملات أخرى بتعتمد على إثبات الوقت المنقضي و عُملات بتعتمد على إثبات الحرق و عُملات بتعتمد على إثبات الهوية و عُملات بتعتمد على إثبات السُلطة و عُملات أخرى بتعتمد على إثبات النشاط و هم دول أشهر آليات في العُملات الرقمية لحد الأن و إن شاء الله هيتم كتابة منشورات او مقالات ليهم قريباً مع ذِكر أمثلة لبعض العُملات.
في جُملة شائعة في مجال العُملات الرقمية: الجُمله دي بنقولها و بنكتبها بأربع حروف إنجليزية فقط DYOR و هي إختصار لـ Do Your Own Research (قُم بعمل بحثك الخاص بنفسك) احنا مش بنقول الجملة دي بطريقة وقحه او قبيحه لاسمح الله، احنا بنقول كده عشان متحاولش تاخد أي معلومات من مصدر واحد على انها الحقيقة ولكن بنقولها بكل إحترام و حب و تقدير لكل الشباب الصغير و حابب يعرف في المجال.
عشان كدا قبل ماتستثمر أموالك في مشروع معين، لازم تبذل مجهود و بعناية شديدة. لذلك انا مش بنصحك في التداول او الإسنثمار في شئ غير بعد ماتكون أتعلمت طُرق التداول كويس و شوفت فيديوهات تعليمية و قمت بعمل بحثك الخاص بنفسك في أكثر من مصدر و التحري بِدِقه و المتابعة للعملة المراد الإستثمار فيها او أي مشروع بصفه عامه، و المقالات القادمة إن شاء الله هنطرح أهم و أشهر العملات الرقمية اللي ليها مشاريع كبيرة و محترمة من نوعيات مختلفة زي الرموز الغير قابلة للإستبدال "NFTs" و مشاريع التمويل اللامركزي "DeFi" و مشاريع الجيمينج "GameFi" و مشاريع العالم الإفتراضي و الميتافيرس "’Metaverse" او "Virtual Reality"، و ياريت مانحاولش نفرح أوي بحوار مارك زوكيربيرج و إن شركة فيس بوك دخلت العالم دا و عملوا علامه تجارية جديده بإسم ميتا "Meta" لان بياناتنا و خصوصيتنا مسروقه منهم، الميتافيرس حوار أكبر من كده بكتير حوار مالوش دعوه بالفيس بوك و لا بأي منصة مركزية. الفيس بوك ياعزيزي داخله فيه متأخر عن شركات و مؤسسات لسه صغيره و ناشئه و هي ركبت التريند و بتركب الموج دلوقتي عشان احنا اكتر من 3 مليار على منصتها.
القصة أكبر من كده بكتير في حاجه دلوقتي أسمها الـ DAO و دا إختصار “Decentralized Autonomous Organization” من ترجمتها كده يعني منظمة مستقلة لامركزية و هي عبارة عن كيان بقيادة مجتمع بدون أي سُلطة مركزية. و بتبقى مجموعة مستقلة تماماً وشفافة، أي شخص مستقل من أي مكان في العالم يقدر يشارك و يساهم في هذه المنظمة اللامركزية بالتصويت على إقتراحات و تنفيذ قرارات محدده بإجماع او بأغلبية من كل المشاركين و المساهمين.
في البداية المنظمة دي بيتعملها عقد ذكي و العقد دا بيكون في صورة رمز او توكن مُبرمَج و مفتوح المصدر و محطوط له شروط و قواعد أساسية، بيبدأ العقد الذكي بتنفيذ القرارات المُتفق عليها، وفي أي وقت يمكن للمشاركين و المساهمين في هذا العقد مراجعة الإقتراحات و التصويت و حتى الرمز نفسه بشكل علني. قصة كبيرة عن اللامركزية هيتم إعداد و نشر مقال عنها إن شاء الله، لأن الـ web2 ممكن نودعه في أي وقت بعد مادخلنا عالم الـ web3.
في المقال القادم سنتحدث عن التكنولوجيا التي تعتمد عليها الغالبية العُظمى من العُملات الرقمية والمعروفة باسم البلوكتشين Blockchain.
تم كتابة و نشر هذا المقال على منصة Cam. TV يمكنك دعمي بالتبرع المجاني و الإعجاب على هذا المقال و المتابعة للقناة حتى يصلك إشعارات بجميع المقالات و المنشورات القادمة.
من خلال هذا الرابط https://bit.ly/3HAyHGa
منصة Cam. TV هي شبكة إجتماعيه ناشئه و مساهمه اوروبية تابعه لشركة 3Technology S.r.l للهندسة و الإستشارات الرقمية مقرها مدينة جونارس مقاطعة أوديني في ايطاليا. المنصة تُمكِن مستخدميها من مُنشئي المحتوئ على تنمية شغفهم و مهاراتهم في دفق و مشاركة مقاطع الفيديو و البث المباشر و الإستشارات و الدورات التدريبية و كتابة و نشر المقالات و المنشورات و تعمل المنصة ايضاً كسوق عبر الإنترنت حيث يمكن للمستخدمين مشاركة المحتوى المدفوع و المجاني أو تقديم تبرعات مجانية عن طريق الإعجابات لدعم مُنشئي المحتوى المفضلين لديهم.
يهدف مؤسسي المنصة إلى تعزيز سوق إجتماعي نشط ومتنوع حيث يمكن للمستخدمين مشاركة معارفهم والحصول على تعويض عنها.
جميع الروابط الخاصة بالمصادر و روابط المنصات مرفقه أدناه.
Bitcoin white paper: https://bitcoin.org/bitcoin.pdf
Bitcoin Official website: https://bitcoin.org
Wikipedia: https://en.wikipedia.org/wiki/Bitcoin
NewScientist: https://www.newscientist.com/definition/bitcoin
Forbes: https://www.forbes.com/advisor/investing/what-is-bitcoin
CNN: https://money.cnn.com/bitcoin
🔗منصات التداول🔗
Binance1: https://bit.ly/BinanceDC
Binance2: https://bit.ly/BinanceDC2
Binance3: https://bit.ly/BinanceDC3
Crypto. com App: https://bit.ly/CryptoCom_App
Crypto. com Exch: https://bit.ly/CryptoComExch
OkEx: https://bit.ly/OkExDC
Gate.io: https://bit.ly/GateioDC
Kucoin: https://bit.ly/KuCoinDC
ByBit: https://bit.ly/ByBitDC
Huobi Global: https://bit.ly/HuobiDC
CoinEx: https://bit.ly/CoinExDC
MEXC: https://bit.ly/MEXCDC
CoinMarketCap: https://bit.ly/CoinMarketCapDC